أرفض التعامل معه.. تارا عماد تثير الجدل حول علاقتها بوالدها

[This post contains advanced video player, click to open the original website]

حلَّت الفنانة تارا عماد ضيفة على الإعلامي أنس بوخش في برنامجه الشهير ABtalks، وتصدر اسمها ترند مؤشرات البحث، وذلك بعدما صدمت الجمهور بعلاقتها المتوترة مع والدها خلال السنوات الماضية.

علاقة متوترة بين تارا عماد ووالدها

تحدثت تارا عن والدها ولخصت علاقتها به قائلة: “والدي ملوش دور في حياتي ودا بطلب مني، ممكن نقول أنه طلب يرجع ويتواصل لكن أنا أفضل أنه لأ”.

وعن إمكانية مسامحتها له قالت: “سامحت والدي عشان نفسي ومن مسامحتي ليه قررت إني عايزة أخد بالي من نفسي ومش عايزة علاقة معاه، السماح أنا مش غضبانة ولا حزينة ولا بعاتبه ومش شايلة جوايا أي حاجة غير إني عايزة أبقى مستريحة مش عايزة أشيل هم حد، أشيل هم نفسي وبس، ممكن تكون ناس شايفة إني شريرة إني مش عايزة يبقى عندي أي نوع صلة مع والدي بس أنا دا اللي مريحني”.

صدمت تارا الجمهور بمشاعرها تجاه والدها وقالت: “لو توفى ممكن أروح الدفن والعزاء معرفش وقتها هحس بإيه، علاقتي معاه ضئيلة أوي على مدار السنين اللي كنت عارفاه فيها، مافيش حاجة حاسه إني ممكن أبني عيلها أحاسيس بالوجع والقهرة والانهيار”.