والد ياسمين صبري يكشف لأول مرة بالصور عن شقيقتها الفرنسية ألبوم نادر
الطبيب شريف صبري نشر ما يزيد عن 24 صورة نادرة تكشف عن المستوى الاجتماعي المتميز لأسرته، وعلق عليهم عبر حسابه الشخصي بموقع الفيس بوك قائلا: بعد الواحد ما كبر ويشوف أولاده يحمد ربنا اتربوا كويس رغم اننا طبقة متوسطة عاشوا في بيت ابوهم وبناتي كانوا في مدرسة EGC بتاعة الطبقة المتوسطة كنت مهتم تكون مربيتهم فلبينية عشان يتكلموا اللغة الانجليزية كويس بتاع الطبقة المتوسطة اشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا.
وتابع والد ياسمين صبري قائلا: دلوقتي ابني في امريكا بيشتغل بعد ما جوزته الحمدلله ونرمينة بنتي جوزها دكتور زيي بس اطفال من الطبقة المتوسطة والتانية فنانة وعندي بنت فرنساوية كنت بافسحهم دايما في اليخت بتاعي الصغير بتاع الطبقة المتوسطة! ولما باتفرج علي حفيدتي اما بافرح ومنتظر عم بلال يجيب ولي العهد يا رب.
الكسندرا نشأت في فرنسا مع والدتها
وواصل قائلا: كلهم بيحبوا ابوهم والكسندرا حتتجنن وتيجي مصر لانها مع امها في فرنسا عشان تعد مع ابوها وهي الوحيدة البعيدة لكنها لها ام محترمة تعرف تخلي ابوها رمز حتى لو بعيد ومنتظر وصولها بفارغ الصبر.
وفي تلميح معتاد لتجاهل ياسمين صبري لما فعله والدها من أجلها قال شريف صبري: احيانا يطلع عيل من عيالك براوي وناكر للجميل ويتكلم كانه بيمثل فيلم كله اختراعات لكن دي سنة الحياة.المهم انهم كويسين وبخير.
واختتم شريف صبري قائلا: وأحب اوضح اننا كنا سعداء في الطبقة المتوسطة دلوقتي الحمدلله انتقلنا الي الطبقة الاقل من المتوسطة وربنا يستر ما ننزلقش الي تحت الأرض