اخر الاخبار
اسعار العملات
جنيه مصري - 0.21
ليرة لبناني 10 - 0.0218
دينار اردني - 4.6540
فرنك سويسري - 3.6729
كرون سويدي - 0.3908
راوند افريقي - 0.22
كرون نرويجي - 0.3832
كرون دينيماركي - 0.5338
دولار كندي - 2.5743
دولار استرالي - 2.5055
اليورو - 3.9699
ين ياباني 100 - 3.1412
جنيه استرليني - 4.5117
دولار امريكي - 3.3
استفتاء

معلمة من الناصرة تكتب:‘بتعرفوا شو يعني تسرقوا 40 طالب؟ من عالمهن المليان تفاصيل !!

وددت ارسال خاطرتي لكم ، مع كل الود والتقدير والعافية : 

"بنفع الإنسان يقدّم تحيّة لنفسُه! هالاشي مش غلط! بالعكس! مرات الواحد بغلط بحقّ نفسُه إذا ما بقدّرها...
أنا اليوم كرّست هالمنشور لحتى أقدّم تحيّة لكل إمرأة تعمل بمهنة التدريس! بالأحرى "معلمة"... ولإلي بشكل خاص!!!
اللي عم نعملوا أبدًا مش مفهوم ضمنًا... التعليم عن بعد مسألة صعبة ومعقّدة! بتتطلّب تشغيل كلّ الحواس سوا!!! بتعرفوا شو يعني تدرسوا ٤٠ طالب كلّ واحد فيهن قاعد ورا شاشة ببيته وعالمه المختلف عن التاني!! بتعرفوا شو يعني تسرقوا ٤٠ طالب لمدة ٤٠ دقيقة أو أكتر من عالمهن المليان تفاصيل وملهيات!؟ بتعرفوا شو يعني تقدروا توصلوا حبكو واهتمامكو ل ٤٠ طالب رغم المسافات ونشافة البعد والشاشات؟!
أنا بحكيلكوا شو يعني! هالاشي بحتاج قدرات خارقة! محفّزات خياليّة! وأمل عظيم!!!
مفهوم "البُعد" تغيّر بالنسبة الي بحكُم هالظروف اللي فرضته علينا فرض! البعد بحمل بطيّاته معاني سلبيّة! بس رغم كلشي هالمعاني مولّدة للأمل!! إنو نعيش الأسوأ لحتى نقدّر قيمة اللي كنّا فيه بس ولا مرة انتبهنالو! هون ببدأ الأمل جوّاتنا!!
أنا بحيي نفسي على قدرتي على الصمود رغم كل الظروف! على استمراريتي واستمرار تدفق العطاء بشراييني رغم كل الامور المحبطة والضغوطات! على أملي بحدوث الأفضل!!
صعب حدا يفهم شو تفاصيل يومي! شو يعني أفيق من نومي وأقوم بواجباتي كأم مع طفلين بفارق عمر صغير جدًا! ومباشرةً انتقل لواجبات عملي!! شو يعني يتداخلوا العالمين سوا بنفس المكان! عائلتي وعملي! شو يعني ادرّس شعر "بمَ التعلّل" للمتنبي! وأنا حاملة طفلتي بنت الخمسة أشهر اللي جاعت فجأة ولازم اطعميها! أو ممغوصة وبدها أهتم فيها! أو أكون عم بشرح درس قواعد وطفلي ابن السنة ونص بحكيلي "ماما جوعان!" أو "ماما زهقان"!!! إني أخلص كلّ احتياجات أطفالي الموجودين معي بالبيت بالاستراحات بين الحصص! أو بكتير مرات خلال الحصص بدون ما أقصّر أبدًا أو أخلي اشي على حساب اشي! إني أدرِّس! وأصلّح مهام! وأتابع الطلاب! وأحتويهن! وكتير شغلات تانية... وبنفس الوقت أتابع أطفالي بالبيت وأعتني فيهن وأوفّق بينهن وبين شغلي!!! لازم ارتّب! وأطبخ! وأطعمي! وأغيّر! وأعلّم! وألعّب!........ وولا اشي من هدول مفهوم ضمنًا!! لهيك بحكيلكو أنا وكتير نساء نُعتبَر خارقات وبطلعلنا تحية وألف تحيّة

 

تصوير: ورود طويل


>>> للمزيد من محلي اضغط هنا

اضافة تعليق
مقالات متعلقة