كريم فهمي يتعاون للمرة الثانية مع ياسمين عبد العزيز
قال النجم كريم فهمي خلال تصريحات لـ “ET بالعربي”، أنه سيقوم باستئناف تصوير مسلسل “220 يوم” بعد خروجه من السباق الرمضاني العام الماضي لأسباب إنتاجية وأنه يحتاج وقتاً أكبر للتصوير، حيث قال : “ربنا بيريد كل حاجة، يعني مسلسل “أزمة منتصف العمر” كان من المفترض عرضه في رمضان، وبأسباب تخص التحضيرات تم تأجيله لبعد رمضان، وربنا أراد أنه ينزل في الوقت دا علشان يحقق النجاح اللي حققه”.
وتابع فهمي :” أنا دائماً بترك ميعاد نزول أي عمل لربنا ثم للمنتج والموزع أو القناة، أنا اللي عليّا بعمل شغلي كويس سواء كتابة أو تمثيل”.
كما أوضح أنه مشغول حالياً بالتحضير لمسرحية كوميدية تجمعه بالنجمة ياسمين عبد العزيز، بعد مسلسل “ونحب تاني ليه” قائلاً : “فيه مسرحية كبيرة إخراج الأستاذ خالد جلال، بطولة ياسمين عبد العزيز، محمد عبد الرحمن “توتا”، إيمان السيد، بدرية طلبة وغيرهم”.
وعن مشاريعه السينمائية القادمة قال فهمي : “هناك مشاريع مازالت قائمة أو تحت الإنشاء، وهناك فيلم يحمل اسم “دماغ ألماظ” أنا كتبه بقالي سنتين أو تلاتة دا بنحضره”، ونختار الأبطال لأنه بطولة جماعية، وكان هيبقى البطل اللي معايا أحمد فهمي، ولكن نظراً لاختلاف المواعيد هيبقى فيه نجم كبير”، وأضاف فهمي : “كما يوجد فيلم آخر أكشن كوميدي أنا انتهيت من كتابته وبدأنا نحضرله”.
وعن رأيه في الأفلام التي عُرضت في موسم عيد الأضحى وعلى رأسها فيلم شقيقه أحمد فهمي “عصابة الماكس” قال : “أنا شايف إن كل الأفلام اللي نزلت أفلام كبيرة، فيلم أحمد فهمي حلو أوي وبيضحك، واتفرجت على “أهل الكهف” عجبني أوي، وأيمن بهجت قمر المؤلف وكل النجوم والأستاذ عمرو عرفة”.
وأكمل :”فيه فيلم محمد إمام أكيد فيلم كبير لأنه إخراج الأستاذ الكبير شريف عرفه، وطبعاً مش هتكلم على ولاد رزق لأنه باين من أرقامه ومن النجوم اللي فيه”.