كيف كانت ردود الفعل على مسلسل البطل الحلقة الأخيرة

[This post contains advanced video player, click to open the original website]

ردود فعل واسعة تابعناها مع عرض الحلقة الأخيرة من مسلسل البطل والتي انتهت بسقوط النظام السوري وخروج يوسف الصالح من السجن وعودته إلى عائلته ورسالة عميقة من بسام كوسا بالنهاية “يوسف فرج الدشت .. شو هالخلطة هاي .. يلا متل هالبلد”.

ردود فعل الجمهور على مسلسل البطل

في ردود الفعل على النهاية، علّق متابع: “نحن للحلقة الأخيرة تحتى قدرنا نفهم فرج وشخصية فرج أنا كتير حزينة على نهاية فرج يا هل ترى لو بقي الاستاذ بجنبه وما وقف ضده كان رح يوصل لهون؟ محمود نصر‬⁩ أبدع بتقديم شخصية فرج الدشت وحولها من الورق للحياة بشكل مميز وفينا نقول انو تفوق ونجح ومن افضل نجوم الموسم”.

وفي تعليق آخر: “لما الاستاذ يوسف قال أنا اللي قتلته كان يقصدها تماماً لو بقي واقف جنبه وما عاداه ما بتوقع فرج كان وصل لهون وفرج لما قال لمريم عم ساعدن متل الاستاذ يوسف كان واضح كتير انو بدو يكون متل الاستاذ العالم بتحبه وبتحترمه بس للاسف اختار الطريق الغلط ومش هوي السبب الظروف هيي السبب”. كما تابع متابع: “المسلسل ك قصة كان رائع ومميز ومرقت حلقات كانت قوية مثال الحلقة ١٥ كانت جداً قاسية اوكي في ثغرات وبمطارح كان في ضعف وضياع وفي شخصيات ما اخدتها حقها بالحبكة متل شخصية سلافة انظلمت نوعاً ما كانت تستحق التركيز عليها بس بيبقى مسلسل ⁧‫البطل‬⁩ من افضل الاعمال للسنة وأهمها”.