إيمي سمير غانم: سأعود إلى التمثيل قريباً وأفضل التعاون مع شقيقتي دنيا وزوجي الرداد

0 8٬416

أكدت الفنانة إيمي سمير غانم، أنها ستعود لممارسة نشاطها الفني من جديد بعد فترة غياب تزيد على عامين، منذ رحيل والديها الفنان سمير غانم، والفنانة دلال عبد العزيز، وقالت إنها تفضل التعاون مع شقيقتها دنيا أو زوجها حسن الرداد، كما رفضت المقارنة مع والديها مؤكدة أنها لا تملك ربع موهبتهما في الكوميديا.

وقالت إيمي سمير غانم خلال استضافتها في برنامج “كلام نواعم” عبر شاشة MBC: أنا مبفهمش في حاجة تانية غير التمثيل، فضلت سنتين في حالة صمت بعد وفاة والدي، وبابا وماما كانوا بيحبوا إننا نحب نشتغل ودنيا بدأت الحمد لله، وأنا إن شاء الله هشتغل قريب.

إيمي سمير غانم: شعرت بالشهرة بعد نجاح هبة رجل الغراب

وكشفت إيمي سمير غانم، عن المرة الأولى التي شعرت فيها بشهرتها، قائلة: أول مرة أحس إني مشهورة بعد مسلسل هبة رجل الغراب، وأنا ساعات ببقى نكدية مش طول الوقت فرفوشة، أنا كوابيسي كتير.

إيمي سمير غانم: تشغلني الحياة الخاصة أكثر من الفن

وتحدثت إيمي سمير غانم عن تجربة التعاون مع زوجها حسن الرداد وشقيقتها دنيا سمير غانم، وأكدت أنها تفضل التمثيل معهما، وقالت إنها مختلفة تماماً عن شخصيتهما وقالت: تشغلني الحياة الشخصية أكثر من الفن عكس حسن الرداد ودنيا، فهما فنانين أكثر مني.

إيمي سمير غانم: أشعر بالأمان مع حسن الرداد

وتابعت: أنا بحس أني بكون مبسوطة أكتر واحنا بنشتغل مع بعض وبحس بأمان أكتر وأنه بيساعدني فحلو إن إحنا نكون مع بعض بدل ما أروح البيت وأخد رأيه فهو معايا في التصوير».

وأوضحت: غير الشغل مع الأب والأم كان الموضوع بيبقى صعب، كنت بشيل همه، بابا مثلا رجليه وجعاه فكنت بحفظه المشهد، أطمن عليه كل شوية كنت بكون أم هنا بقى لكن مع حسن ودنيا أنا تمام، وماما كانت بتعرف تشيل مسئوولية الاستديو كله، إنما بابا كان طفل.

إيمي سمير غانم: كواليس عزمي وأشجان شهدت مشاجرات مع الرداد

واستطردت: فكرة إن أحنا مكناش بنتخانق وإننا عصافير، مش موجودة، عزمي وأشجان كله خناقات لكن مش داخل الشغل، خناقة في البيت، فبكون مضايقة وبايتة مع بابا وتاني يوم هقابل حسن، وبنمثل المشاهد ومبنكلمش وكانت مشاهد كبيرة، فمش لازم أبقى صديقة للشخص عشان أمثل، فأنا مهنية في الشغل».

إيمي سمير غانم: ورثت عن والدي حب الناس

وعلقت إيمي سمير غانم على مقارنتها هي وشقيقتها الفنانة دنيا سمير غانم بوالدهما الراحل سمير غانم في الكوميديا والتمثيل، بقولها: خدت من والدي ووالدتي حب الناس ودي ميزة.

وأضافت إيمي: عمري أنا ودنيا ما هنجيب ربعهم ومينفعش ومش صح يقارنونا.. ويقارنوا شباب دلوقتي بعادل إمام وفؤاد المهندس أوعبد الحليم حافظ أو إسماعيل ياسين، بس احنا بردو مينفعش نتحط في مقارنة.

واستكملت إيمي حديثها: لما إنت تبقي موهوبة ومتبقيش دمك تقيل وفارضة نفسك.. والحمد لله حب الناس بيفيد مع أن الأبناء عندهم موهبة، مش بحس إن دمي خفيف زي بابي.. وفي ناس بقيت غريبة جداً وبتعمل مقارنة وبتقول كلام مش حلو فمتركزوش مع الناس.

واختتمت إيمي حديثها: نفسي أكون الهادية والراكزة حاولت بس معرفتش، وجوزي غيري تماما وشايف إني عجوزة وأنا صغيرة.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected] - [email protected]

قد يعجبك ايضا